| Статистика |
Барлыгы онлайн 1 Кунаклар 1 Кулланучылар 0
 |
| Рәсми Татарстан |  |
| Керү формасы | 
|
|
 | |  |
 |
В категории объявлений: 11
Показано объявлений: 1-11 |
|
Сортировать по:
Дата буенча ·
Исеме буенча ·
Рейтинг буенча ·
Фикерләр буенча ·
Караулар буенча
 "Гаудеамус" дип аталган студентлар гимнын татарчага тулысынча тәрҗемә итү буенча бәйге игълан ителгән иде. Тәрҗемәнең сүзләре, әлбәттә, студентлар гимнының көенә туры килү конкурсның шарты булып саналды.
Ниһаять, 2010 елның 15 нче декабрендә УНИКСның Кече залында "Шигъри сабантуй" бәйгесе вакытында конкурс нәтиҗәләрен җиткерделәр. Әлеге бәйгедә Сарман районы Илексаз мәктәбенең татар теле укытучысы Хәлиуллина Гөләндәм Гөлүс кызы җиңүче дип табылды” дигән җөмләләрне "Әллүки” сайты битләреннән уку минем өчен зур шатлык булды. |
 Укытучылар, укучылар һәм ата – аналарны берләштерүче "Татарстан Республикасында электрон белем бирү” проекты кысаларында Илексаз мәктәбе дә эшен башлап җибәрде. www.edu.tatar.ru адресы буенча, укучылар гына түгел, хәтта әти – әниләр дә үзләренең логинын, паролен язып әлеге сайтка керә алалар.
Киләчәктә Мәгариф челтәрендә ата – аналар электрон көндәлек аша балаларының укуы, өлгереше турында мәгълүмат ала алачаклар. Ә укучыларга белем бирү программалары, уку курслары, предметлар турында белешмәләр бар. |
 Мәктәптә бәйрәм! |
 Бакчада бәйрәм!
Хуш киләсең, Яңа 2011 ел! Төкле аягың белән!
|
Хөрмәтле сайтымның кунаклары!
Сезнең барыгызны да якынлашып килүче Яңа ел  бәйрәме белән чын күңелемнән тәбрик итәм. Безнең
ишекләребезне сак кына атлап килүче, йомшак күңелле, тәртип яратучы
Куян елы шакый. Бу ел өйләребезгә сәламәтлек һәм бәхет-шатлык белән тулы көннәр алып килсен, байлык һәм күңел тынычлыгы сезне читләтеп үтмәсен. Хыялларыгызның һәр барчасы тормышка ашсын, бәхетләрегез ташып торсын! Кайгы болыты сезне һәрчак читләтеп үтсен. Бәхет касәләрегез ташып торсын.
Тормышта очрап торган төрле проблемаларга, борчу-мәшәкатьләргә,
кризисларга бирешмичә, алга куйган эшләрне җиренә җиткереп үтәрбез,
бер-беребезнең кадерләрен белеп яшәрбез, дип ышанасы
килә. Һәрбарчагызга семья бәхете, сәламәтлек, эшегездә уңышлар телим.
Иң изге теләкләр белән Гөләндәм Гөлүс кызы
|
 Яна ел бәйрәмен кемнәр генә көтеп алмый икән?! Бакча балалары да салкыннан куркып тормадылар: апалары Раушания Шәвәлиева, Светлана Байхуҗина һәм Минния Хәлиуллина белән, кар тәгәрәтеп, менә дигән чыршылар арасында утырган Куян кызын ясап куйдылар. |
 Бүген Илексаз мәктәбендә зур кунаклар килде. Клара апа Булатова һәм Дамир ага Гарифуллин белән очрашу булды. Әлеге күркәм бәйрәмдә аларның тормыш юлы һәм иҗатлары белән таныштык. Балалар шигырьләрен сөйләделәр, җырларын җырладылар, үзләрен кызыксындырган сорауларга җаваплар алдылар. Якташларыбыз истәлеккә бүләк итеп шигырьләр җыентыкларын бүләк иттеләр. Бу очрашудан бик җылы хисләр белән таралыштык. |
 Табигатькә ак тунлы кыш килде. Ә без салкыннан курыкмыйбыз. Чана, чаңгы шуабыз, экскурсияләрдә булабыз. Без сәламәтлек яклы! |
 Балаларның күптән көтеп алган бәйрәмнәре – Яңа 2011 нче ел якынлаша. Инде мәктәптә дә җанлылык сизелә башлады. Укучылар үзләренең сыйныфларын Кыш бабабыз килүгә бизиләр, сыннар ясарга әзерләнәләр, газета чыгару өчен материаллар туплыйлар һәм "Бал маскарад” хакында фикер алышалар. Котлы булсын ЯҢА ЕЛЛАР. Зур уңышлар, шатлык - куанычлар, сәламәтлек кенә алып килсен. |
 26 ноябрь көне - "Әниләр көне”.
26 нчы ноябрь көнне Илексаз мәктәбендә дә әлеге бәйрәм бик күңелле үтте. Укучылар әниләренә булган олы рәхмәт хисләрен, нәфис сүзгә һәм җырларга төреп, иң олы кешеләре - Әниләренә юлладылар. Озын гомерле булыгыз, ӘНИЛӘР!
|
 Озын каникуллар инде узып бара. Ә шулай да без мәктәп яны бакчасын карап, түтәлләргә су сибеп, чәчәкләрне тәрбияләргә дә вакыт табабыз. Гөлбакчага әйләнгән мәктәбебез безне 1 нче сентябрь – Белем бәйрәме көнне каршы алырга әзер.
|
|  |
 | |  |
|
|
