Нәүрүз бәйрәме белән

Чын күңелдән котлыймын

Күңелдәге теләкләрне

Сезгә бүген юллыймын.

Яз гөлләре кебек һәрчак

Ямьле, көләч булыгыз.

Шатлыклы көннәр белән

Бизәлсен лә юлыгыз.

Кайгы җиле беркайчан да

Ишекләрне какмасын.

Сагыш ташы бервакытта

Күңелегездә ятмасын.

Язгы гөрләвекләр сезгә

Бәхет – шатлык агызсын.

Язгы алсу таңнар сезне

Зур эшкә рухландырсын.

Тормышлар түгәрәк булсын

Бәйрәм – Нәүрүз котлы булсын!

Нәүрүз мөбарәк  булсын!

Ачлык китермичә Нәүрүз,

Мул уңыш биреп китсен.

Амбарлар икмәк белән

Һәрчакта тулып торсын!

Иманлы бул, Кеше – дустым!

Бүген Нәүрүз бәйрәме!

Котлап, шигъри юллар аша

Юллыйм бәйрәм сәламе.

Альбина Зәйнәпова

**********************